Home / Breaking News  / ప్ర‌ధాని మోదీకి రాఖీ క‌ట్టిన 103 ఏళ్ల వితంతువు

ప్ర‌ధాని మోదీకి రాఖీ క‌ట్టిన 103 ఏళ్ల వితంతువు

న్యూఢిల్లీ: ర‌క్షాబంధ‌న్ సంద‌ర్భంగా ప్ర‌ధాని మోదీకి త‌న కార్యాల‌యంలో 103 ఏళ్ల వితంతువు శ‌ర్బ‌తీ దేవీ రాఖీ క‌ట్టిన‌ట్లు ప్ర‌ధానమంత్రి కార్యాల‌యం ట్విట్ట‌ర్ ద్వారా వెల్ల‌డించింది. అందుకు సంబంధించిన ఫొటోను పీఎంఓ ట్వీట్ చేసింది. 50 ఏళ్ల క్రితం శ‌ర్బ‌తీ దేవీ సోద‌రుడు చ‌నిపోయాడు. అప్ప‌ట్నుంచి ఆమె ప్ర‌తి రాఖీ పండ‌క్కి త‌న సోద‌రుణ్ని గుర్తుచేసుకుని బాధ‌పడుతుండ‌టం గురించి ఆమె కుమారుడు ప్ర‌ధానికి లేఖ రాశాడు. ఈ రాఖీ శ‌ర్బతీ దేవీకి ప్ర‌త్యేకంగా ఉండాల‌నే ఉద్దేశంతో ప్ర‌ధాని ఆమెను త‌న కార్యాల‌యానికి ఆహ్వానించి త‌న చేతికి రాఖీ క‌ట్టించుకున్నారు.

బ‌డి పిల్ల‌లు, బృందావ‌నానికి చెందిన వితంతువులతో ప్ర‌ధాని న‌రేంద్ర మోదీ రాఖీ క‌ట్టించుకున్నారు. ఆయ‌న వీరితో క‌లిసి ప్ర‌ధాన‌మంత్రి కార్యాల‌యంలో ర‌క్షాబంధ‌న్‌ పండగ జ‌రుపుకున్నారు. ఈ విష‌యాన్ని ప్ర‌ధాన‌మంత్రి కార్యాల‌యం ట్విట్ట‌ర్ ద్వారా వెల్ల‌డించింది. పిల్ల‌లు, వితంతువులు ప్ర‌ధానికి రాఖీలు క‌డుతున్న ఫొటోల‌ను పీఎంఓ షేర్ చేసింది.

Facebooktwittergoogle_plusredditpinterestlinkedinmailby feather
Review overview
NO COMMENTS

Sorry, the comment form is closed at this time.