Home / Breaking News  / గుజరాత్ లో రాహుల్ గాంధీ కాన్వాయ్ పై రాళ్ల దాడి

గుజరాత్ లో రాహుల్ గాంధీ కాన్వాయ్ పై రాళ్ల దాడి

కాంగ్రెస్ ఉపాధ్యక్షుడు రాహుల్ గాంధీ కాన్వాయిపై పలువురు దాడికి దిగారు.వరద బాధితులను పరామర్శించేందుకు రాహుల్ గురువారం గుజరాత్ వెళ్లారు.అందులో భాగంగానే ఆయన ఈరోజు బనస్కంత అనే ప్రాంతానికి వెళ్లారు. కాగా.. ఆయన కారుపై పలువురు రాళ్లతో దాడి చేశారు. దాడి సమయంలో రాహుల్ కారులో లేరు. రాహుల్ కి ఎలాంటి ప్రమాదం జరగలేదు కానీ.. ఆయన వెంట ఉన్న భద్రతా సిబ్బంది గాయాలపాలైనట్లు కాంగ్రెస్ నేతలు తెలిపారు.
కాగా.. ఈ దాడికి అసలు కారకులు భాజపా నేతలేనని కాంగ్రెస్ ఆరోపిస్తోంది. ఇది చాలా దారుణమైన దాడి అని.. ప్రతిపక్ష పార్టీ కదా ఏమి చేయలేదులే అని అనుకుంటున్నారేమో అని కాంగ్రెస్ నేత అభిషేక్ మను సింఘ్వి అన్నారు. కారు బాగా ధ్వంసమైందని.. అద్దాలు పగిలిపోయాయని ఆయన చెప్పారు.
దీనిపై భాజపా నేత కైలాష్ విజయ్ వర్గియా స్పందించారు. ఇది నిజంగా జరిగిన దాడో.. లేక కావాలని మీరే చేయించుకున్నారో అని భాజపా నేత కైలాష్ పేర్కొన్నారు.

కాగా, కార్యక్రమం అనంతరం కొందరు వ్యక్తులు రాహుల్ కాన్వాయ్ లోని ఓ కారుపై రాళ్లు విసిరారు. దీంతో, ఆ కారు వైనుకవైపు అద్దాలు పగిలిపోయాయి. గుజరాత్ కాంగ్రెస్ ఎమ్మెల్యేలను బెంగళూరులోని ఓ రిసార్ట్ లో ఉంచిన సంగతి తెలిసిందే. నిరసనకారుల ఆందోళనకు కారణం ఇదే. ఇదే విషయం గురించి నిరసనకారులు మాట్లాడుతూ, ఎమ్మెల్యేలను వేరే చోట ఉంచి, మీరు మాత్రమే ఇక్కడకు ఎందుకు వచ్చారని ప్రశ్నించారు. మరోవైపు, ఆందోళనకారుల చర్యలను బీజేపీ ఖండించింది. ఇలాంటి చర్యలకు పాల్పడేవారిపై చట్టపరమైన చర్యలు తీసుకుంటామని జీజేపీ ప్రతినిధి జీవీఎల్ నరసింహారావు హెచ్చరించారు.

Facebooktwittergoogle_plusredditpinterestlinkedinmailby feather
Review overview
NO COMMENTS

Sorry, the comment form is closed at this time.